Ndërkohë që Monika Kryemadhi po mundohet herë duke qarë e herë duke bërtitur që t’i mbushë mendjen popullit që të dalë në protestë, nga ana tjetër po i avullojnë deputetët duke e braktisur LSI.
Sot, opozita braktisi sërish seancën e Kuvendit, një ditë pasi Federica Mogherini i solli Tiranës lajmin e mirë të hapjes së negociatave me BE-në. Por duket se bojkoti ka brenda një tjetër bojkot.
Kësaj nisme nuk i është bashkuar një deputet i LSI-së. Deputeti i Monikës, Robert Bitri, ishte i vemti nga radhët e partisë së Monika Kryemadhit që nuk është larguar.
I pyetur nga mediat, Bitri tha se nuk e ka frikën e vendimit të grupit të LSI, nëse e përjashtojnë, por kjo nuk do të thotë se ai do të kalojë me PS.
Duke komentuar këto largime, kreu i grupit parlamentar të LSI-së, Petrit Vasili i pranishëm sot në studion e “News 24” tha se për personat që sipas tij janë pre e meskiniteve të vogla, janë më mirë larg partisë
“Nuk kam asnjë shqetësim për asnjë njeri që nuk ka më motive të militojë në një forcë politike me një ritëm të tillë si është LSI, ata që kanë ritme të tilla dhe janë pre e meskiniteve të vogla janë një lajm i mirë të mos jenë në një forcë që ka tjetër standard politik”- tha ai.
