Kryeministri Edi Rama në takimin e sotëm me përfaqësues të biznesit nuk ka lënë pa komentuar edhe protestën e biznesit, me ulje qepenash.
“Ju vazhdoni protestën, por dy gjëra ju them; protesta është e dështuar se shumica e dinë shumë mirë për çfarë flitet. Ulje qepenash dhe goditje nga larg me çizme, se ku rreh pulsi i kësaj historie e di shumë mirë secili nga ju, se ju bëni llogari, të mbyllësh qepena në tregje bashkiake që s’kanë lidhje me TVSH është kollaj, shkon atje i gënjen i mbyll qepenat, por ata nuk janë në skemën e TVSH. Por protesta duhet të vazhdojë, nuk kemi asnjë problem se çfarë votoni ju, se me kë jeni, se çfarë thoni. Nuk është ky problemi ynë”- tha Rama.
