Policia ka ndaluar gjatë natës, Gjergj Cukalin. Arrestimi i tij është bërë pasi ka thyer masën e sigurisë së vendosur nga gjykata, atë të ‘arrestit në shtëpi’.
Gjergj Cukali mësohet se është gjetur nga policia jashtë zonës ku duhej të qëndronte. Arrestimi i tij është bërë pranë zonës së ish-ekspozitës.
Cukali është ndaluar dy vite më parë në një aksion policor, ku atij dhe disa personave të tjerë u është gjetur kokainë.
Gjergj Cukali njihet si ‘i forti i rrugës së Myslym Shyrit’, për shkak të aktivitetit të tij dhe të bandës që sipas policisë ai drejton./syri.net
