Rreth 10 kilogramë marijuanë janë gjetur nga policia greke në autobusin e linjës Kakavijë-Janinë.
Mësohet se lënda narkotike i përket një 28-vjeçareje shqiptare, e cila e kishte fshehur atë tek bagazhet.
Autobusi kaloi palën shqiptare, por në doganën greke iu nënshtrua një kontrolli të imtësishëm nga policia, e cila zbuloi lënë narkotike.
Sipas policisë greke, droga ishte e ndarë ne dy pako me peshë totale 10 kg 650 gramë. 28-vjeçares shqiptare, e cila u arrestua nga policia, iu gjet edhe një pako me 194,6 gramë hashash e llojit çokollatë.
