Ndërpritet mbledhja e Këshillit Bashkiak të Vlorës nga qytetarët ata kërkojnë uje dhe dëmshpërblim.
Dhjetëra banorë të zonës së Orikumit kanë ndërprerë ditën e sotme mbledhjen e Këshillit Bashkiak të Vlorës duke kërkuar investime në zonën e tyre.
Çështja ende e pazgjidhur e ujit ka bërë që banorët sot të futen në ambientet e Bashkisë së Vlorës dhe të kërkojnë të drejtën e tyre.
Ata janë shprehur se Bashkia e Vlorës dhe Edi Rama i kanë lënë në baltë, pasi u kanë premtuar ujësjellësin, por deri më tani nuk kanë bërë asnjë gjë.
Ata janë shprehur se sezoni turistik ka ardhur, por ata nuk kanë ujë.
Gjithashtu banorët e lagjes Kushtrimi kërkojnë dëmshpërblim për banesat e prekura nga Rruga lidhëse me autostradën.
Dëmshpërblim kërkojnë 28 familje në lagjen Kushtrimi që nuk janë dëmshpërblyer për shtëpitë e tyre të prekur nga ndërtim i rrugës së re.
