“Ankaraja ka gati 450 kërkesa për ekstradim të shtetasve turq nga Shqipëria, por vendi yne i ka refuzuar ne heshtje këto kërkesa”.
Kështu shprehet analisti Lorenc Vangjeli.
Ai tha se nga informacionet e tij janë rreth 450 kërkesa për ekstradim të shtetasve turq me banim në Shqipëri paraqitur nga Ankaraja që i akuzon ata si mbështetës të klerikut Gylen.
“Shqipëria i ka refuzuar në heshtje këto kërkesa” – tha Vangjeli.
Ndërsa analisti Preç Zogaj tha se Erdogan mbetet në konflikt me Shqipërinë dhe Kosovën për këtë çështje.
“Kam përshtypjen se Presidenti i një vendi mik si Turqia, zoti Erdogan, është në keqkuptim me të dy kryeqytetet politike të shqiptarëve, me Tiranën dhe Prishtinën.
Kërcënimet e tij kundër kryeministrit Ramush Haradinaj ishin të papranueshme.
Besoj se në Tiranë i tundin kokën për oportunizëm, por megjithatë nuk do të ekstradojë asnjë gylenist jashtë sintonisë me partnerët tanë perëndimorë, SHBA dhe vendet e BE-së”, – theksoi Preç Zogaj.
