Gati 9 muaj pas zgjedhjeve të 25 Qershorit, LSI është shfaqur e luhatur, sa nga njëri kamp në tjetrin.
Një vëzhgim i thjeshtë i bërë nga CNA.al, ka konstatuar një qëndrim ndryshe të LSI përgjatë kësaj periudhe.
Ka një sjellje agressive në opinionin publik, por edhe çizme ndaj Edi Ramës, por, nuk ka asnjë qëndrim të plotë politik dhe as një akuzë ndaj ministrit kryesor të Qeverisë,Fatmir Xhafaj, por edhe as ndaj kryebashkiakut Erion Veliaj.
LSI dhe Monika nuk flasin për kokainën e ngelur jetime, por as për fëmijët e vrarë në Sharrë.
Në daljen e fundit televizive Monika Kryemadhi gati sa tha, se ishte gatshme ta votonte për kryebashkiak Erion Veliajn.
“Uroj që Edi Rama të rikandidojë Veliajn për Tiranës. Do ta mendojmë bashkëpunimin dhe vendimtare janë teatri dhe kullat. Erion Veliaj ka një gjë të mirë, nuk ka lidhje me njerëzit e krimit dhe të drogës. Tirana ka ndryshuar”, tha Kryemadhi, pak ditë më parë në një emision televiziv.
Ndërkohë janë edhe disa qëndrime të kryetares së LSI, Kryemadhi, pro Fatmir Xhafajt.
Që nga protesta kur mbështeti publikisht sjelljen e tij e më pas tek vetingu në Polici dhe ende nuk ka asnjë qëndrim kritik të LSI ndaj Xhafajt.
Më 6 mars 2018, Lëvizja Socialiste për Integrim ka bashkuar votat me Partinë Socialiste , duke votuar ligjin e vetingut në polici.
Nga ana tjetër Veliaj është njeriu, që duket si pasardhës i Edi Ramës dhe ose për intrigue apo thjesht për ndonjë interes kullash, LSI hesht.
Megjithëse, pretendon se është në opozitë i ka dhënë jo pak por 5 këshilltarë “lali Erit”. Nga ana tjetër kryebashkiaku është njeriu që nuk akuzohet as nga opozita. Daljet dhe qëndrimet ndaj tij janë sporadike, megjithëse aferat dhe veprimet e tij nuk janë vetëm skandale korruptive, por raste që përflasin për krime si ai i Ardit Gjokleajt, për të cilin Veliaj s’ka mbajtur asnjë përgjegjësi,
Fatmir Xhafaj, që pretendon se është njeriu i reformës në drejtësi dhe pretendon për një veting në polici, është
ministri i skandaleve, njeriu që në 7 muaj, në bazë të statistikave nuk ka bërë gjë tjetër, por thjesht e ka lëshuar
vendin në duart e krimit.
Paturpësisht në mënyrë kriminale, 600 kg kokainë, e cila u kap në Maminas, e ka lënë me pronarë një amdinistratorë dhe një shoferë.
Për këto nuk flet LSI nuk thotë asnjë fjalë, përkundrazi Monika vlerëson Xhafajn, vlerëson dhe Veliajn, a thua se LSI është sa në pushtet dhe sa në opozitë.
Duket e neveritshme sjellja e partisë së Ilir Metës që sot drejtohet nga gruaja e tij.
LSI , dy instrumentat kryesorë të Edi Ramës, siç është Veliaj dhe Xhafaj nuk i sulmon edhe pse ata janë të zhytur në skandale korrupsioni dhe të zhytur në llumin e krimit.
Përtej një flirti me Edi Ramën LSI ka dy halle, lejet e pallateve të “lali Erit” dhe kërkon mbështetjen e Xhafajt dhe policisë për të mos ia rrëmbyer hajdutët që mund të bien në rrjetën e drejtësisë.
LSI pretendon se është opozitë edhe me Lulzim Bashën, por sulmon gjatë gjithë kohës vetëm Edi Ramën, ministrat e tij besnikë dhe kryebashkiaku i përkëdhel çdo ditë me qetësi dhe dashuri për të çuar më tej interesat e saj klineteliste, për të zgjidhur hallet e xhepit, të partisë që u krijua nga pazaret për pazaret dhe do të jetojë vetëm me pazare.
