Dalin detaje te reja per sasine me te madhe te droges qe eshte kapur ndonjëherë në Shqipëri.
Sasia e 613 kilogrameve kokaine ka rezultuar 90% e pastër.
Kjo do të thotë se sasia e kokainës mund të trefishohej përpara se të hidhej në treg, por për realizimin e këtij procesi do të ishte i nevojshëm një laborator i posaçëm.
Kokaina është transportuar në Laboratorin Kriminalistik të Ministrisë së Brendshme ku ekspertimi kimik po bëhet me anë të gazkromatografit, një aparaturë moderne që përcakton pastërtinë e lëndës narkotike, raporton OraNews.
Përpunimi nënkupton përzjerjen me lidokainë, paracetamol dhe elementë të tjerë për të përfituar trefishin e sasisë mbi bazën e së cilës u bë përllogaritja e vlerës prej 180 milionë euro.
