Robert De Niro konsiderohet si një nga aktorët më të mëdhenj të të gjitha kohërave. Ai ka arritur sukses në pothuajse në çdo zhanër filmi. Por gjithashtu, ai është regjisor dhe producent filmi. De Niro vjen nga një familje artistësh. Nëna e tij, Virginia Admiral ka qenë piktore, i ati ishte piktor, skulptor dhe poet. De Niro u rrit në pjesën e qytetit të New York City në Little Italy në Manhattan. De Niro ka qenë i martuar dy herë. Ka një vajzë, Drina dhe një djalë, Raphael nga martesa me gruan e parë Dianne Abbott; dhe dy djem, Julian Henry dhe Aaron Kendrick nga marrëdhënia e tij me modelen, Toukie Smith. Djemtë e Smith dhe De Niros janë binjakë dhe janë ngjizur me metodën “in vitro”. Në 2004 De Niro u rimartua me gruan e tij të dytë, Grace Hightower. De Niro ka pasur një ndikim domethënës për artin, qoftë në filma, qoftë në fjalimet e tij mbresëlënëse, duke dhënë këshilla të panurmëta edhe si një mentor i mirë për studentët. Në vijim, supershëndeti.com sjell të përkthyer 30 thënie të të madhit Robert de Niro, i cili njihet për thëniet e tij me një intensitet të lartë ndjeshmërie.
1 – Njeriu mëson dy leksionet më të mëdha në jetë: Kurrë mos ua ktheni shpinën miqve tuaj dhe gjithmonë mbani mbyllur gojën.
2 – Një derë e re do të hapet për ty, një derë në refuzimin e përjetshëm. Është e pashmangshme.
3 – Zbulove një talent, zhvillove një ambicie dhe njohe pasionin tënd. Kur e ndjen atë, nuk mund ta luftosh. Thjesht duhet ta pranosh!
4 – Ju bëj thirrje të provoni sa më shumë, të jeni mendjehapur, të mirëprisni eksperienca dhe ide të reja. Nëse nuk e provon, nuk do e dish kurrë.
5 – Talenti qëndron në zgjedhjet që bëni.
6 – Punoni shumë. Do të keni kohë për të pushuar kur të vdisni.
7 – Nuk futem në diskutimet e gjata, “ta bëj, apo të mos e bëj diçka”! Në fund të ditës, do pendohesh për atë që nuk bëre.
8 – Jeto momentin. Pikë. Ji aty. Sepse, nëse mendoni gjatë gjithë kohës që duhet të bëni ndonjë gjë të jashtëzakonshme, nuk do të funksionojë kurrë. Nëse ndodh, ndodh. Nëse jo, jo. Mos u shqetësoni. Thjesht kini besim, ndershmëri, jini të vërtetë. Kaq kërkoni.
9 – Jeta rrallë ndryshon tërësisht, por vazhdimisht ndryshon në detaje.
10 – Ndonjëherë, nëse ke kufizime financiare, ky është përfitim. Të detyron të gjesh ndonjë ide krijuese.
11 – Njëherë dikush më tha: Mos e lër veten të shkosh pas diçkaje, apo dikujt me të cilin nuk ke dëshirë të rrish as 30 sekonda.
E di që është e rëndësishme t’i japësh kujtdo aq liri sa mundesh, që ata të mos ndjejnë se kanë limite. Me çdo gabim që bëjnë, çdo gjë shkon mirë. Të mos jenë të frikësuar të provojnë gjëra të reja, apo mos të besojnë tek vetja
13 – Nuk ke pse e bllokon dhimbjen kaq shumë. Pa dhimbjen për çfarë do të flisnim?
14 – Sot unë qesh më shpesh, sesa kur isha i ri. Kjo sepse kam filluar të mos i gjykoj më njerëzit.
15 – Paratë e bëjnë jetën më të lehtë. Nëse je me fat t’i kesh ato, atëherë je me fat.
16 – Kur isha i ri, nuk frikësohesha kur më thonin “Jo”. U them fëmijëve të mi dhe kujtdo: Nëse nuk e provon, kurrë nuk e di. Nuk e merrja si refuzim “Jo-në”. Disa gjëra shkojnë kundër teje. Ke refuzime plot, por kjo është pjesa e bukur e jetës.
17 – Nëse s’ke kritika, atëherë kush do të të thotë se si e ke bërë punën tënde?
18 – Nëse je ulur në karriken e duhur, nuk do të të duhet shumë kohë për të kuptuar që je rehat në të.
19 – Koha ecën, kështu që çfarëdo që të bësh, bëje tani. Bëje tani. Mos prit!
20 – Do të ketë kohë, kur edhe më e mira jote nuk mjafton. Mund të ketë shumë arsye pse ndodh kjo, por për aq kohë sa jep më të mirën tënde, çdo gjë shkon mirë. Nëse merr notën më të lartë në shkollë, kjo nuk do të thotë se do të marrësh të njëjtën notë dhe në jetë.
21 – Nuk ka asgjë më ironike dhe kontradiktore, sesa vetë jeta.
22 – Refuzimi mund të të pickojë, por ka shumë pak ndikim tek ty.
23 – Kur vjen puna te arti, pasioni duhet të jetë një gjendje e përhershme. Jo thjesht po ndjek ëndrrat, por po kap dhe fatin tënd.
24 – Nuk je përgjegjës për çdo gjë që ndodh, por je pjesë e saj. Duhet të vendosësh gjithçka nga vetja në gjithçka që bën.
25 – Nuk ke nevojë për fjalë për të shprehur ndjenjat.
26 – Një nga gjërat e aktrimit është se të lejon që të jetosh jetën e njerëzve të tjerë, pa pasur nevojë të paguash çmimin.
27 – Është e rëndësishme të mos tregosh. Njerëzit nuk përpiqen për të treguar ndjenjat e tyre, ata përpiqen për t’i fshehur ato.
28 – Nëse ka një Zot, ai ka shumë përgjigje për të dhënë.
29 – Kur do dikë duhet t’i besosh atij, nuk ka rrugë tjetër. Duhet t’i japësh “çelësat” e gjithçkaje që të përket ty. Ndryshe, ku do të ishte kuptimi i gjithë dashurisë?
Mos ki frikë të bësh atë që të thonë instinktet!
