Shkodra ka më shumë se 2 javë që është nën ujë dhe kryeministri Rama nuk ka gjetur kohë të postojë asnjë fjali për situatën e rëndë të qytetarëve atje.
Por sot çuditërisht gjeti kohë të merrej me Bashën.
Fill pasi Basha vizitoi qytetin nën ujë dhe postoi një video në facebook që pasqyronte realitetin atje, Rama reagoi duke e futur dhe këtë në kazanin mediatik.
Madje Rama thotë se po bëhet propagandë me foto të vitit 2010.
Sipas tij, shteti është në krye të detyrës.
“Shkodër – (Përtej propagandës së kazanit digjital me foto të përmbytjeve të vitit 2010) SHTETI NË KRYE TË DETYRËS”, shkruan Rama, teksa sjell edhe një album me foto të ministrave në terren dhe strukturave të tjera të shtetit pranë banorëve.
