Një shtetas shqiptar ka mbetur i plagosur me armë zjarri pasi u qëllua me plumb në kokë nga një person ende i paidentifikuar.
I plagosuri është 66-vjeçari Mustafa Hasi, ndërsa ngjarja ka ndodhur dje në Foggia,
Gjendja e tij është serioze thanë mjekët, raportojnë mediat italiane. Policia po kryen hetime për të hedhur dritë mbi plagosjen e mistershme.
Incidenti ndodhi të shtunën, në një fermë në pronësi të një sipërmarrësi bujqësor në Borgo Cervaro, disa kilometra larg Foggia.
Ishte pronari i vilës i cili lajmëroi menjëherë oficerët e policisë pasi zbuloi personin e plagosur.
Viktima, ka mbetur i plagosur në kokë nga një pistoletë e kalibrit 7.65. Mediat thonë se ai do t’i nënshtrohet një operacioni delikat për nxjerrjen e plumbit.
