Gazetari Driçim Çaka, ka treguar sot disa detaje te pathena, qe nuk diheshin me pare, per diten kur u kap sasia rekord e kokaines ne Maminas.
Në emisionin “Repolitix” të gazetarit Denis Minga, ai tha se droga është konstatuar nga policia shqiptare, në momentin e kalimit në skaner të kontenierit.
Sipas tij, në skaner ka dalë ngjyra e kuqe, çka do të thotë se në kontenier ka ngarkesë të fshehur dhe pikërisht në dysheme. Pasi është hapur dyshemeja me daltë nga agjentët e antidrogës, ka qenë një prej tyre i cili ka provuar kokainën, duke provuar kështu se kishin të bënin me një ngarkesë të paligjshme.
“Kontenieri është kontrolluar fillimisht në Livorno, por nuk është konstatuar ngarkesë e paligjshme. Në momentin që ka kaluar në skaner në Portin e Durrësit, kontenieri ka dalë me ngjyrë të kuqe, çka do të thotë se në të kishte ngarkesë, pikërisht në dyshemenë e tij. Dyshemeja është hapur me daltë nga agjentët.
Ka qenë një prej agjentëve i cili ka hapur një prej pakove të kokainës dhe ka provuar drogën”, u shpreh gazetari Çaka, duke shtuar se policisë i është dashur rreth pesë orë për të hapur kontenierin ku ishte fshehur ngarkesa e drogës.
