Ndonëse u duk sikur epidemitë gripale morën fund me ngrohjen e motit në vendin tonë, një rast i rëndë ka ndodhur në qytetin e Tepelenës.
Një i mitur 10 vjeçar është dërguar në orët e para të mëngjesit i pajetë në spitalin e Tepelenës.
Ditën e djeshme i mituri me inicialet S.I ishte dërguar nga prindërit në spitalin e këtij qyteti, por mjekët u kanë kërkuar ta dërgojnë në spitalin e Gjirokastrës për një mjekim më të specializuar.
Por prindërit e kanë çuar në shtëpi e jo në spital. Më pas, gjendja e fëmijës është përkeqësuar dhe prindërit e kanë dërguar sërish në spital, por ishte shumë vonë.
10-vjeçari ka mbërritur i pajetë pas gjendjes gripale që e kishte kapur prej disa ditësh.
