Nje histori e trishte e nje shqiptari, i cili më 1 shkurt 2018, u shpall i vdekur në kalatën e Aleksandrit të portit King’s Lynn (Norfolk). Ai quhet Alfred Ismaili nga Durrësi, njofton portali britanik “Eastern Daily Press”.
Dega e Hetimeve të Aksidenteve Detare ka nisur një hetim për incidentin, i cili ndodhi në bordin e anijes “SMN Explorer”.
Pothuajse dy javë pas vdekjes së tij, familja e z. Ismaili thotë se pikëllimi i tyre po thellohet duke pritur të shkojë me avion në shtëpi.
Zyra e gjykatës së Norfolkut tha se trupi do të lirohet kur të plotësohen kërkesat e tij. Refik Goli, konsulli dhe sekretari i dytë në Ambasadën Shqiptare në Londër, tha: “Jemi të vetëdijshëm për humbjen e Alfred Ismailit dhe po bashkëpunojmë me autoritetet britanike në këtë rast, megjithatë policia në Britaninë e Madhe ende nuk ka një raport zyrtar mbi shkaqet e vdekjes për të vazhduar me riatdhesimin në Shqipëri“.
Z. Ismaili la gruan dhe tre fëmijë të vegjël. Në një deklaratë përmes avokatit të tyre, ata thanë: “Pse kaq shumë vuajtje? Nuk është e drejtë dhe jo e ndershme. Ai nuk ishte një kriminel, thjesht një detar i thjeshtë, duke u kujdesur për familjen e tij.”
Avokati shtoi: “Jam i pezmatuar sepse ende nuk ka raport përfundimtar nga departamenti i policisë në Norfolk, ose nga zyra e gjykatësit të Norfolkut. Asgjë. Vetëm prisni, prisni. Nuk është e drejtë. Nuk është njerëzore.
Familja e Alfredit po vuan dhe unë nuk mund të bëj më shumë. Babai i Alfredit është 80 vjeç, në spital“.
Anija “SMN Explorer” ku punonte Alfredi
Shkaku i vdekjes së z. Ismaili nuk është zbuluar akoma. Shërbimet e emergjencës u thirrën në Alexandra Dock rreth orës 11.28 në mëngjesin e vdekjes së tij. Një zëdhënës i ambulancës tha se u telefonua për të raportur “një dëmtim traumatik” në një anije. Ajo shtoi: “Ishin një ambulancë, një automjet reagimi i shpejtë dhe një oficer i ambulancës. Mjerisht në vendngjarje vdiq një pacient“.
Në këtë incident u dërguan gjithashtu zjarrfikës dhe një skuadër e policisë gjyqësore. Policia tha se nuk mund të bënin koment, sepse hetimi po udhëhiqej nga Dega e Hetimeve të Aksidenteve Detare. U tha se hetimi mund të zgjasë deri në 12 muaj.
