U gjet i vdekur në makinën e tij nga familjarët, pas shtëpisë. Markiled Çipi qëlloi veten me plumb në zemër për motive të paqarta.
Ngjarja që tronditi familjen ndodhi mbrëmjen e së dielës në fshatin Gramëz të Krujës.
22-vjeçari jetonte prej kohësh në Itali, ai ishte kthyer vetëm dy ditë më parë dhe do ikte sërish pas dy ditësh në shtetin fqinj.
Policia bën me dije se 22-vjeçari është vetëqëlluar me një plumb tek, ku tytën e armës e kishte mbështetur në zemër. Goditja ka rezultuar fatale, duke i marrë jetën menjëherë. Familjarët nuk kanë dëgjuar armën, pasi fakti që kishte mbështetur qytën e armës në trup, zhurma është izoluar.
Por, pak minuta më vonë, familjarët kanë konstatuar trupin e tij të pajetë brenda makinës së tij tip “Fiat”.
Trupi i pajetë i të riut është dërguar për ekspertizë në Tiranë.
Në telefonin celular nuk kemi gjetur ndonjë gjë komprometuese.
Mesohet se i riu njihej si person shumë pozitiv në zonë dhe nuk kishte pasur kurrë probleme me drejtësinë
