Ditën e sotme Taulant Balla është përballur me djalin e ish-kryeministrit Sali Berisha në Gjykatën e Krimeve të Rënda lidhur me padinë e Shkëlzenit ndaj tij.
I pari që ka dalë nga salla e gjyqit ka qenë Shkëlzeni, i cili foli përpara medias se Taulant Balla fshihet pas imunitetit dhe Edi Ramës. Padia e Shkëlzen Berishës për kryetarin e grupit të PS, Taulant Balla bëhet fjalë për shpifje.
Ai tha:
Taulant Balla ka dalë e ka thënë se nuk kam paguar asnjë taksë në tre vite. Unë kam letrat që kam paguar në vetëm dy vite 50 mln lekë taksa. Taulant Balla është dënuar si shpifës. Ai fshihet pas imunitetit dhe Edi Ramës që e trajton si tualet. Pritshmëria ime është që të dalë e vërteta”.
Pas tij, doli nga Gjykata Taulant Balla i cili i bëri thirrje prokurorisë për të hetuar Shkëlzen Berishën dhe aktivitetet e tij lidhur edhe me dosjen “Cez”.
Mësohet se seanca nuk ka zgjatur shumë, pasi trupa gjykuese e Krimeve të Rënda ka shpallur moskompetencën duke ia rikthyer Gjykatës së Lartë.
