Momente tmerri dhe frike në Macerata në Itali, pasi një person ende i paidentifikuar ka hapur zjarr në mes të ditës. Mediat italiane raportojnë se nga të shtënat kanë mbetur të plagosur 6 persona dhe thuhet se te shtenat kane ndodhur se paku ne tre zona.
Kreu i Komunës ka dalë me një thirrje publike, edhe në rrjetet sociale, duke i këshilluar banorët të evitojnë daljen, e të rrinë brenda në shtëpi, apo në vendet ku ndodhen aktualisht.
Nga të dhënat e para që ende nuk janë zyrtare nga policia u fol se bëhej fjalë për një larje hesapesh mes të huajve në këtë zonë, e më pas u tha se ishte një person me probleme psikike, në bordin e një makine ai që hapi zjarr ndaj njerëzve.
Sipas dëshmive, në makinë nga e cila u lëshua breshëria e armës ishin dy persona. Policia po ndërhyn në zonë, janë vendosur postblloqe.
Të shtënat e para kanë ndodhur rreth orës 11,10 nga një makinë e errët ndoshta një Alfa 164, kundër dy të rinjve me ngjyrë, nga të cilët njeri mbeti i plagosur.
Një tjetër pastaj u plagos ca më tej e bashkë më te edhe një grua afrikane, në zonën e stacionit dhe pas saj pasoi një tjetër goditje.
