Mjeku i “USA Gymnastics”, Larry Nassar është dënuar me 175 vjet burg pasi ka përdhunuar 3 vajzat gjimnaziste të Randall Margraves dhe ka abuzuar seksualisht me qindra kliente që i shkonin për vizitë.
Gjatë gjyqit, Randall Margraves kërkoi nga gjyqtarja që ta linin vetëm me mjekun monstër. “Ju kërkoj të më lini 5 minuta vetëm në një dhomë me këtë djallin”, tha Margraves, kërkesë e cila iu refuzua.
[youtube https://www.youtube.com/watch?v=iMo6WLVr3_g]
Babai i 3 vajzave u sul me vrap për ta goditur mjekun duke e quajtur “bir kurve”, por nuk arriti dot pasi forcat e policisë e kapën dhe e shtrinë në tokë duke i vendosur prangat.
“Po sikur t’ju ndodhte ju kjo?”, i tha Margraves oficerëve të cilët e nxorrën nga dhoma e gjyqit.
Pak më vonë babai i 3 vajzave kërkoi falje duke u shprehur: “Humba kontrollin. Ju kërkoj falje. Jam këtu për vajzat e mia”.
