Vetëm 1 ditë pas vizitës së Kryeprokurores Arta Marku në Durrës, policia dhe prokuroria e qytetit bregdetar kanë ndërmarrë një aksion. Mësohet se aksioni është kryer për shkak të falsifikimeve të certifikatave të pronësisë.
Janë arrestuar mbi 10 persona për falsifikime. Ndërsa aksioni është bërë në zonën e Ishmit dhe të Lalzit. Sakaq, skema e falsifikimit të certifikatave të pronësisë është e njëjtë më atë që ndodhi pak muaj më parë në Spille.
Ndërsa pritet që Prokuroria dhe Policia e Durrësit të mbajnë një konferencë për shtyp në orën 10:00.
Kryeprokurorja Arta Marku në analizën që zhvilloi dje në Prokurorinë e Durrësit ka deklaruar se prokurorët nuk duhet të ndalen vetëm me hetimin e veprës penale korruptive por duhet të thellojnë hetimin pasuror të subjektit të vepres penale në lidhje me asetet që kanë në burim të ardhura kriminale nga veprimet korruptive. Sipas Markut në Durrës po rritet agresiviteti i grupeve kriminale.
