Protestat e banorë të fshatit Verri në Fier ka pasuar me përplasje të banorëve të zonë me policinë. Ata kanë protestuar ditën e sotme kundër ndërtimit të inceneratorit, duke u shprehur se “Mafia e plehrave do t’i helmojë tokat”.
Si pasojë e përplasjeve me policinë, ka pësuar lëndime një prej protestuesve. Djali i tij, Neritan Delibashi, thotë se protesta ka qenë paqësore, por ditën e sotme në zonën e projektit janë futur me dhunë dhe me polici mjetet për realizimin e punës.
“Po zhvillohej një protestë paqësore në fshatin Verri për mbetjet për inceneratorin që do të ndërtohet në atë zonë. Ne kundërshtojmë mbetjet që do të vijnë. Jemi banorë ët zonës që e kundërshtojmë këtë incenerator pasi jemi në distancë të afërt. Tani problemi është se shteti kërkon ta bëjë me doemos atje, pa na pyetur ne fare, pas asnjë lloj konsulte. Ata vendosin vetë më dhunë, me force policie. Sot kanë futur mjetet në zonë. Ne po protestonim paqësisht dhe babain tim e shtynë, e rrëzuan. Për momentin unë po protestoja diku tjetër, dhe sa e pashë që ishte shtrirë në tokë e hipëm në një makinë dhe e sollëm në spital”, thotë një prej protestuesve në fshatin Verri.
