Një ngjarje tragjike ka ndodhur në orët e para të mëngjesit të sotëm në qytetin e Vlorës. Nënë e bir janë djegur teksa ishin në gjumë, në banesën e tyre në lagjen “1 Maji”. Zjarri ka përfshirë banesën 1-katëshe rreth orës 04.00 të mëngjesit të sotëm, duke shkrumbuar gjithçka.
Dyshohet se shkak i flakëve që shkrumbuan banesën ka qenë shpërthimi i një bombole gazi e përdorur për ngrohje. Viktimat janë identifikuar si Selkie, 73 vjeç, dhe Novruz Hoxhallari, 43 vjeç, nënë e bir, me origjinë nga Korça.
Sakaq, policia po punon për zbardhjen e plotë të ngjarjes.
