Ndonëse ka hequr dorë nga politika që prej vitit 2005, ish-kryeministri i Shqipërisë Fatos Nano “bën zhrumë” sa herë që kthehet në Tiranë.
Si një ndër figurat më të spikatura politike, Nano tërheq vëmendje sidomos kur ka tensione politike, dhe shpesh bëhet shkak për aludime rreth një rikthimi të mundshëm.
Kjo ka ndodhur edhe ditën e sotme, ku ish-kryeministri është parë me një personalitet të njohur maqedonas. Ai është Talat Xhaferri, kryeparlamentari shqiptar në Maqedoni, i cili ndodhet në një vizitë zyrtare në vendin tonë.
Ka qenë Xhaferri që ka publikuar fotot ku duket nën shoqërinë e Fatos Nanos, ku ka treguar rreth takimit me të.
Nuk dihet se cila ka qenë tema e tyre e diskutimit, por mbetet vetëm të presim nëse do të ketë diçka tjetër në daljen e radhës të ish-kryeministrit.
