Sulmuesi shqiptar i Melburn Viktori, Besart Berisha, do të bëhet një shtetas australian. Kosovari luan prej vitit 2011 në Australi dhe është përshtatur mjaft mirë me futbollin e këtij vendi.
Vetë ai e ka pranuar që është në pritje të marrjes së pasaportës australiane dhe ka shprehur edhe një herë dashurinë për këtë vend.
“Shpresoj që në janar apo në shkurt unë të bëhem australian dhe kjo do të ishte diçka fantastike. Mezi sa po pres që unë të jem zyrtarisht australian. E dua këtë vend. Është treguar fantastik me mua dhe shpresoj që të kënaqem këtu sa më shumë të mundem”, tha Berisha.
