Zbulohet një tjetër anë, jo shumë e mediatizuar e gazetares së ndjerë Adelajda Xhamani. Adela ishte shumë e dhënë pas bamirësisë dhe ndihmonte gjithmonë mesa kishte mundësi njerëzit në nevojë.
Ky fakt u zbulua mbrëmjen e sotme gjatë emisionit “Njerëz në fokus”, ku ishte i ftuar miku më i ngushtë i Adelës, Eraldo Rexho.
Teksa paneli i të ftuarve po apelonte në fund të emisionit për të ndihmuar njerëzit në nevojë, drejtuesja e emisionit Ola Bruko zbuloi anën bamirëse të Adelës.
“Unë kam marrë disa mësimë nga ajo, e do t’i vë në zbatim në vijim…”, tha Eraldo me zë që i dridhej nga emocioni.
Rexho shtoi: “Pa u bërë patetik do të them një shprehje të Nënë Terëzës: ‘Nuk mund të bëjmë dot gjëra të mëdha, por mund të bëjmë gjëra të vogla me dashuri të madhe”, tha ai.
Adela u nda nga jeta në moshën 31-vjeçare më 29 tetor të këtij viti nga një sulm i papritur në zemër.
