[sgmb id=”1″]
Sot ndaj Sotës u venos masa e sigurisë së arrestit me burg, ndërsa tre ditë më parë ai u ndalua në Elbasan.
Sota rezultonte i papajisur me leje drejtimi, ndërsa në makinë policia gjeti rreth 800 mijë euro dhe 2 patenta të ish-ministrit të Bendshëm Saimir Tahiri. I pyetur për shumën e konsiderueshme të parave, Sota ka deklaruar se paratë ai do i dorëzonte pranë firmës Kurum për shlyerjen e një fature të mëparshme për blerje hekuri nga kjo kompani.
Por policia ka marrë në pyetje drejtuesit e Kurum, të cilët kanë deklaruar se në aktivitetin e tyre nuk kanë pranuar asnjëherë pagesa “CASH” nga klientët.
Po ashtu, drejtuesit e kompanisë së hekurit i thanë policisë se nuk prisnin një klient të tillë, pasi nuk kishin pasur asnjë komunikim të mëparshëm me të.
25-vjeçari është pyetur edhe përse gjendeshin në makinën e tij dy patentat e ish-ministrit të Brendshëm, por ai ka deklaruar se i kishte harruar shoferi i Saimir Tahirit me të cilin kishte miqësi.
Pas arrestimit, i dyshuari nuk ka pranuar të japë më shpjegime për policinë.
