Kur Maradona takoi Papën në vitin 2014, ylli argjentinas u shpreh: Papa po më fliste duke u ankuar për varfërinë në botë, por pashë që gjithçka në dhomën e tij ishte prej ari. Pa hezituar i thashë “Mos u anko or mik, shit tavanet prej ari, bëj diçka.”
Kjo shprehje nuk vlen vetëm për Papën në vetvete, por për çdo kënd që flet për varfërinë në shtirje ndërkohë që vet është nga një pozicion shumë i rehatshëm, sigurisht këtu po u referohemi politikanëve.
Mirëpo, le të rikthehemi sërish tek Papa, i cili është bërë së fundmi pronar i nj makine superluksoze, Lamborghini Huracan e bardhë, e cila vërtitet tek çmimi 320.000 dollarë.
Është kompania e Lambos ajo që ia ka dhuruar Papa Françeskut këtë supermakinë, e cila për më tepër është prodhuar posaçërisht për Atin e Shenjtë.
Makina ju dhurua ditën e sotme Papës, ku të pranishëm ishin edhe zyrtarët më të lartë të kompanisë.
Megjithatë Papa që mban aktualisht fronin në Vatikan ka treguar shpeshherë që është shumë social dhe ka vendosur që Lamborghinin e dhuruar ta nxjerrë shumë shpejt në ankand dhe paratë t’i përdorë për bamirësi.
