Policia italiane ka publikuar pamjet e operacionit, që goditi një grup kriminal të trafikimit të lëndë narkotike në disa shtete.
Mes të arrestuarve ishte edhe një shqiptar, Valentin Selaj, i cili rezultoi të ishte i dashuri i moderatores së njohur shqiptare, Viola Spiro.
Në pamje duken qartë ku zhvillohej aktiviteti i grupit kriminal si dhe gjithçka që u sekuestrua. Lajmi u bë publik fillimisht nga gazeta italiane “La Nazione” e cila nuk jep shumë detaje, por në faqen e saj të parë ka publikura një foto të shqiptarit Valentin Selaj bashkë me prezantuesen e njohur shqiptare, Viola Spiro.
Sipas gazetës italiane, i dashuri i Viola Spiros kishte një rol shumë të rëndësishëm në grupin e trafikut të drogës, pasi siguronte kokainën nga Amerika e Jugut në në Fierence, përmes shtetit të Holandës.
Nga ky operacion i përbashkët u kapën një ton drogë, pas hetimeve në Firence, Amsterdam dhe Roterdam, ndërsa ishin nën hetim që prej vitit 2015. Deri tani nuk ka shumë detaje rreth personave të kapur (7 deri tani), por gazeta italiane e ka cilësuar shqiptarin si “bosi i kokainës”.
Po ashtu, grupi krimional akuzohet edhe për trafikim të armëve dhe municioneve.
