Bashkimi Evropian akuzoi Rusinë për vdekjen e të paktën pesë ushtarëve në lindje të Ukrainës.
“Vdekja e pesë ushtarëve ukrainas ditën e djeshme është vetëm prova e fundit e rezultatit tragjik të agresionit rus në Ukrainë,” tha Tusk, pas samitit të gjashtë vendeve të Evropës Lindore, duke përfshirë Ukrainën, raporton AP, transmeton Indeksonline.
Tusk paralajmëroi se ngrirja dhe konfliktet e armatosura vazhdojnë të pengojnë zhvillimin dhe të krijojnë vështirësi në vendet e partneritetit lindor.
“BE dënon agresionin rus dhe nuk do ta pranojë bashkimin e paligjshëm të Krimesë,” vuri në dukje ai.
Më herët sot, Forcat e Armatosura të Ukrainës raportuan se të paktën pesë ushtarë ukrainas u vranë dhe katër u plagosën gjatë 24 orëve të fundit në konfliktet në lindje të Ukrainës.
