[sgmb id=”1″]
Donald Trump tha sot në një intervistë se SHBA është “plotësisht e përgatitur” për luftën me Korenë e Veriut “nëse do të na duhet të jemi”.
Duke folur për “Fox News”, Trump paralajmëroi Korenë e Veriut se ushtria amerikane është “e përgatitur për çdo gjë” nëse detyrohet të marrë masa ushtarake.
Në muajt e fundit Presidenti i SHBA ka mbajtur një qëndrim të ashpër ndaj Koresë së Veriut, testet bërthamore dhe raketore të së cilës e kanë detyruar atë të marrë në konsideratë veprimin ushtarak.
Trump ka rritur praninë ushtarake të SHBA në rajon.
Duke folur për mundësinë e luftës me kombin komunist, Trump tha se nuk do të ishte mirë që të kishte luftë, përpara se të shtonte: “A do të ndodhë kjo, kush e di…”.
Trump tha për “Fox News”: “Ne jemi kaq të përgatitur sa ju nuk do të besonit. Do të tronditeshit nëse shikoni sa të përgatitur jemi, nëse duhet të jemi”.
