[sgmb id=”1″]
Të shtëna me armë zjarri janë regjistruar pasditen e sotme në qendër të komunës italiane Barzio. Nga mediat italiane raportohet se një shofer nxori nga brezi një pistoletë dhe e shkrepi.
Fatmirësisht ai e drejtoi armën drejt tokës dhe askush nuk u lëndua.
Policia vendase ka njoftuar se ai që shkrepi armën ishte një shtetas shqiptar, i cili qëlloi për të trembur një tjetër shofer, edhe ai shqiptar.
Ngjarja ndodhi pasi makinat e të dyve u përfshinë në një aksident rrugor.
Por pas të paktën një të shtëne, autori hipi sërish në mjetin e tij dhe u largua.
Mediat italiane shkruajnë se efektivët janë ende në kërkim të shqiptarit i cili qëlloi me armë, identiteti i të cilit nuk bëhet i ditur.
