[sgmb id=”1″]
Sociologu Gëzim Tushi deklaron se ditët e sotme edukimi i fëmijëve është proces shumë i vështirë, e se prindërit po rendin më fort drejt parasë dhe dhe suksesit.
“Familja e sotme shqiptare, dikur një vatër e ngrohtë edukimi, ka filluar të ketë lëvizshmëri brenda vetes, prindërit nuk kanë me atë kohën e nevojshme për t’u marrë me fëmijët e tyre sepse nuk i lë koha, nevoja për para dhe sukses.
Kjo bën që të mungojë koha e hapësira për edukimin e fëmijëve.
Në këto rrethana, fëmijët dalin jashtë shtratit edukativ dhe jashtë influencës pozitive të prindërve të tyre”, thotë ai në një intervistë për “GSH”.
Sipas Tushit prindërit sot kanë menduar që ta kompensojnë këtë me mjete materiale.
“Duke iu plotësuar dëshirat e tekat, ndonjëherë duke e liberalizuar tej mase kontrollin për jetën e tyre shpirtërore, fizike e seksuale. Ura educative brenda familjes po thyhet, nuk ka më një system komunikimi prind-fëmijë, por një familje e tillë edukativisht është jofunksionale dhe duhet të rikthejmë fuqitë edukative të familjes shqiptare”, tha ai.
