[sgmb id=”1″]
Partia Demokratike ka zbuluar emrin e deputetit per te cilin thote se ka te shkuar kriminale ne Itali. Sipas PD-së, deputeti me të shkuar kriminale eshte Aqif Rakipi i PDIU-se.
“Panorama” ka siguruar dhe publikon te plote kerkesen e Partise Demokratike per prokurorine, ku i kerkon te zbatoje ligjin per denoncimin ne fjale.
Në dokumentin dorëzuar në Prokurori dhe firmosur nga deputetet e saj, PD-ja kërkon “verifikimin e të dhënave të deklaruara në formularin e vetëdeklarimit të subjektit Aqif Rakipi, detyrë deputet i Kuvendit të Shqipërisë”.
“Nga të dhëna të bëra me dije në rrugë informale, ekziston dyshimi i arsyeshëm se subjekti Aqif Rakipi, ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak të rekordeve kriminale në shtetin italian”- thuhet në kërkesën e PD.
Aqif Rakipi pervec deputet i Kuvendit të Shqipërisë nën siglën e PDIU-së, nuk është emër i panjohur. Ai vetëm pak kohë më parë u përfshi në një ngjarje të rëndë, teksa aksidentoi me vdekje një person në autostradë në afërsi të Vorës, por më pas u lirua nga akuza.
PD ne kohen e aksidentit reagoi me force, nderkohe qe nuk munguan akuzat e forta edhe per lidhjet e tij te aferta me kryeministrin Rama.
Kujtojme se Rakipi ishte nder deputetet qe votuan pro qeverise “Rama 2” gjate konstituimit te saj ne Kuvend.
