[sgmb id=”1″]
Trajneri i kombëtares shqiptare ka komentuar për TVSH sot humbjen 3-0 përballë Spanjës, duke thënë se skuadra e tij krijoi pesë raste.
Sipas Christian Panuccit jo të gjitha skuadrat mund të krijojnë kaq shumë përballë një ekipi si Spanja.
“Morëm golin e parë, një supergol dhe golat e tjerë ia dhuruam ne. Nuk kishte të bënte kjo me sistemin e lojës. Në pjesën e dytë kishim formacion më të mirë. Ndodhi në Maqedoni edhe sot”, tha italiani.
Ai tregoi më tutje se ka bërë disa ndryshime në sistemin e lojës, por të cilat ishin të mangëta.
“Ndryshova sistemin e 4-3-3 për ti dhënë më shumë shtysë skuadrës. Doja të bëja një ndryshim më shumë”.
“Jemi jashtë Botërorit dhe është e drejtë për ti dhënë shansin lojtarëve të tillë. i dhashë mundësinë një lojtari të ri. Nuk u ndodh të gjithëve të krijojnë pesë raste përballë Spanjës”, tha Panucci.
Pas kësaj, Spanja zë pozitën e parë të grupit G me 25 pikë ndërsa Shqipëria gjendet në vendin e tretë me 13 pikë. Italia ka njëzet pikë pas barazimit 1-1 me Maqedoninë.
Vlen të theksohet se se takimin e radhës kombëtarja shqiptare do ta zhvillojë kundër Italisë ndërsa spanjollët do të ballafaqohen me izraelitët.
