[sgmb id=”1″]
“Drejtimi nuk është dhe nuk mund të jetë më një prerogativë e një personi”. Fatos Nano, ish kryeministri i Shqipërisë, dhe lider historik i së majtës, pritet të dalë sot në një intervistë për Klan Plus, dhënë gazetarit Vladimir Lame.
Vetë gazetari paralajmëron intervistën me Nanon ditën e sotme, ndërkohë që thotë se e ka pyetur ish kryeministrin për qeverisjen, nëse shqiptarët kanë një qeverisje të mirë; për politikën shqiptare dhe integrimin e Shqipërisë në Bashkimin Evropian nëse po pengohet nga gjendja e kriminalitetit, raporton newsbomb.al.
I pyetur nga newsbomb.al, për intervistën, Lame thotë se kur e ka pyetur për Timonierin e qeverisjes, pra kryeministrin aktual Edi Rama, Fatos Nano i është përgjigjur: Drejtimi nuk është dhe nuk mund të jetë më, një prerogativë e një personi. Kemi një Shqipëri ndryshe, me shumë kontraste, me më shumë pabarazi, gjë që nxjerr në pah sa larg jemi nga bota e qytetëruar ku duam të shkojmë” thotë Nano në intervistën e tij për KlanPlus.
Por për më shumë, të gjithë do të ndjekin intervistën e Nanos mbrëmjen e sotme, një intervistë që ka zgjatur 10 minuta.
.jpg)
