[sgmb id=”1″]
Kryetari i Kuvendit të Shqipërisë, Gramoz Ruçi, ka shprehur gatishmërinë e institucionit që ai drejton për vazhdimin e mëtejmë të bashkëpunimit me Qeverinë e Kosovës në avancimin e agjendës evropiane.
Ai gjatë takimit me kryeministrin Ramush Haradinaj përgëzoi kreun e qeverisë së Kosovës për detyrën e re, duke vlerësuar lartë dinamikën e re qeverisëse, të vendosur që në fillim të mandatit.
Nga ana e tij, kryeministri Haradinaj vlerësoi rolin e legjislativit shqiptar në ndihmën dhënë institucioneve të Kosovës dhe në shtet-ndërtimin e saj.
“Institucionet e Shqipërisë kanë dhënë dhe vazhdojnë të japin kontribut të çmuar për Republikën e Kosovës në të gjitha periudhat, dhe kjo na inkurajon që të vazhdojmë edhe më tutje shkëmbimin e përvojave”, tha kryeministri Haradinaj.
