[sgmb id=”1″]
Drejtori i Policisë së Shtetit Haki Çako gjatë një takimi me drejtorët qendrorë , vendorë dhe me drejtorët rajonale të kufirit dhe migracionit ka përcaktuar disa prej çështjeve të cilat do të duhet të jenë prioritet i policisë. Në mbyllje të fjalës së tij Çako u ka kërkuar angazhim maksimal drejtorëve duke nënvizuar se Vettingu do të ndodhë.
Mes të tjerash ndër çështjet kryesore ai ka nënvizuar janë evidentim, kontroll dhe ndëshkim i të gjithë personave me precedentë kriminalë, me makina të blinduara e luksoze, që bëjnë rolin e të fortit në komunitet. Ai ka kërkuar që të ngrihen task-forca në çdo qark si dhe angazhim maksimal për luftën ndaj dhunë në familje. Ndër të tjera këto janë detyra kryesore që Çako u ka bërë me dije të gjithë drejtorëve:
• Hetimi i veprimtarisë së grupeve kriminale që organizojnë kultivimin dhe trafikimin e lëndëve narkotike.
• Sekuestrimi i aseteve që ata kanë krijuar, si rezultat i kësaj veprimtarie kriminale, si pasuri të paluajtshme ndërtesa, toka, makina, hotele, motele, lokale, investime të ndryshme në shoqëri biznesi, etj.
• Të evidentohen dhe të ndëshkohen elementët të cilët ushtrojnë ndikim të paligjshëm tek zyrtarët dhe nëpunësit publikë.
• Kërkimin dhe kapjen e personave të shpallur në kërkim, të cilët i shmangen Policisë dhe drejtësisë.
