[sgmb id=”1″]
Vranësirat e shpejta pritet të jenë të pranishme në gjithë territorin e vendit ditën e nesërme.
“Meteoalb” raporton se vranësira të dendura do të ketë në zonat veriore ku priten rrebeshe shiu. Pas mesditës vranësirat dhe shirat zhvendosen drejt qendrës dhe jugut te vendit duke gjeneruar shira, kryesisht në zonat lindore.
Sipas Institutit të Gjeoshkencave, Energjisë, Ujit dhe Mjedisit, në zona shumë të kufizuara, reshjet mund të shoqërohen edhe me rrufe dhe breshër.
Ndërkaq, gjatë mbrëmjes vranësirat pritet të largohen duke lënë pjesën më të madhe të vendit me kthjellime.
