[sgmb id=”1″]
Mjetet lundruese nuk do të lejohen të lundrojnë deri në vendosjen e piketave dhe hapësirave të përcaktuara për pushuesit dhe levizjen e mjeteve në det. Pas ngjarjes tragjike në Ksamil ku humbi jetën një shtetase ruse, policia kufitare ka nisur aksionin në të gjithë vijën bregdetare duke nisur nga Vlora deri në Sarandë, për bllokimin e lëvizjes së mjeteve lundruese në ato hapësira ku nuk janë vendosur piketat që tregojnë hapësiren e lejuar ku duhet të levizin mjetet lundruese.
Vetëm gjatë këtyre ditëve janë bllokuar 64 mjete lundruese, ndërsa të bllokuara ka patur gjatë kësaj të hëne edhe disa mjete të tjera në Vlor ë. Vec mos lejimit të daljes në det, kontrolli është shtrirë dhe në verifikimin e dokumentacionit të plotë që duhet të ketë cdo mjet lundrues për të dalë në det.
Hapësira e plazheve gjat ë kësaj të hëne ka qenë thuajse totalisht e boshatisur nga mjetet lundruese, ndërsa burime nga policia kufitare kanë konfirmuar se do të lejohet lundrimi i vetëm mjeteve me flamuj të huaj që dalin nga porti i jahteve në Orikum.
Sa i përket sklafeve, ose motorrëve të ujit, nuk do të lejohet asnj ë prej tyre deri në momentin, ku do të vendosen tabelat sinjalizuese.
Por pavarsisht aksionit të policisë kufitare, nga bashkia Vlorë , nuk ka nisur ansjë ndërhyrje për vendosjen e piketave dhe tabelave sinjalizuese në plazhe, edhe pse kjo detyrë duhej kryer para nisjes së sezonit turistik dhe jo pas ngjarjeve tragjike të ndodhura së fundmi.
