[sgmb id=”1″]
Ditët e fundit është folur shumë për një skenar që e lë Ilir Metën jashtë Presidencës. Mirëpo, burime brenda LSI thonë se kjo është e pamundur.
Kuvendi është thirrur me dekret të Presidentit në detyrë, Bujar Nishani për tu mbledhur më datën 24 korrik për ceremoninë e betimit të Presidentit të ri.
Në këtë mënyrë, ceremonia e betimit është një proces ligjor që nuk mund të pengohet nga pjesëmarrja ose jo e deputetëve të caktuar të Kuvendit.
Deputetët e Kuvendit kanë detyrim kushtetues pjesëmarrjen në seancë, pasi duhet të respektojnë dekretin e Presidentit.
Por edhe sikur një pjesë e tyre të mungojnë, kjo nuk e bën ceremoninë të pavlefshme. Pasi mjafton që në sallë të ketë edhe një prani minimale deputetësh.
Nga pikëpamja ligjore, të gjitha pretendimet e hedhura në media nuk qëndrojnë, për sa kohë që proceduara parlamentare nuk paraqet asnjë pengesë për ceremoninë dhe pjesëmarrjen e ligjvënëseve.
Burimet bëjnë të ditur se Metës i mjafton bashkëpunimi me kreun e shtetit Bujar Nishani për ceremoninë e betimit. Presidenti i ri betohet dhe merr detyrën më 24 korrik
