[sgmb id=”1″]
Zyrtarisht, trajneri i kombëtares shqiptare u emërua Christian Panucci.
Ish-lojtari i Romës dhe Interit u shpreh shumë i entuziasmuar për detyrën e re dhe premtoi të lërë gjurmën e tij në Shqipëri. Christian Panucci: Jam shumë i nderuar që jam trajneri i ri i kombëtares shqiptare. Falenderoj Presidentin Duka për këtë detyrë dhe që më jep emocione të mëdha. Mbi të gjitha është një përgjegjësi e madhe për vendin dhe kombëtaren që e përfaqëson.
Jam i bindur që kemi skuadër të mirë. Kjo kombëtare mund të më japë mua mbështetje të madhe. Njëkohësisht shpresoj dhe unë të lë gjurmët e mia këtu. Edhe pse botërori është pothuajse i pamundur, shpresoj të jap më të mirën në këto 4 ndeshje të mbetura. Po pres me padurim të filloj punën
Presidenti i FSHF në fjalën e tij tha që ishte zgjedhja më e mirë e mundshme dhe tha se Panucci me stafin e tij do të bëjë të mundur kualifikimin në Euro 2020.
“Ky ka qenë një proces i zgjatur pak në kohë, pasi jemi munduar të bëjmë më të mirën. Vendimi ynë nuk ka qenë i lehtë. Kemi zgjedhur ta drejtojë ekipin tonë një nga emrat më të mëdhenj të futbollit italian, Christian Panucci. Ka një eksperiencë modeste. Jam i bindur që kemi bërë zgjedhjen më të mirë. Është një njeri me vullnet e dëshirë të jashtëzakonshme dhe jam i bindur që bashkë me stafin e tij, do të bëjë të mundur që ne të jemi pjesë e Euro2020,” tha Duka.
