[sgmb id=”1″]
Një aksident tragjik ka ndodhur mbrëmjen e stome në Maqedoni, ku për pasojë kanë humbur jetën 3 persona dhe është plagosur një fëmijë.
Aksidenti ndodhi rreth orës 19:45 në aksin rrugor Shtip-Veles, pranë vendit të quajtur “Pika e Zezë”, njoftojnë mediat shqiptare në Maqedoni.
Nga përplasja e dy mjeteve tip ‘Golf’ me targa të Kumanovës kanë humbur jetën 1 burrë dhe 2 gra, ndërsa një fëmijë ka mbetur i plagosur dhe është transportuar në spitalin e Shkupit.
Nuk dihet ende identiteti i viktimave. Për shkak të aksidentit është paralizuar edhe trafiku rrugor, ndërsa policia vijon hetimet për zbardhjen e shkaqeve të ngjarjes.
