[sgmb id=”1″]
Kryeministri i vendit, Edi Rama së bashku me bashkëshorten e tij Linda Rama votuan disa minuta më parë në qendrën e votimit në Surrel, ku edhe në përfundim Rama bëri me shenjë se për cilin numër duhet të votonin duke ngritur lart dy gishta, simbolin e përjetshëm të PD të cilin e huazoi pas shortit të KQZ se PS do të jetë numri 2 në fletën e votimit.
Në përfundim të hedhjes së votës, të gjithë prisnin një deklaratë për mediat në lidhje me incidentet apo gjendjen aktuale të procesit të votimit e cila realisht është shumë e tensionuar, por Rama vendosi të mos prononcohej dhe të vazhdonte me një urim për besimtarët myslimanë.
Gëzuar Bajramin motrave e vëllezërve islamë. Do jetë kjo një ditë e bukur për Shqipërinë dhe qofshin njerëzit e zakonshëm Zoti që i duhet sot Shqipërisë, u shpreh Rama.
