[sgmb id=”1″]
Ish-Kryeministri dhe ish-kryetari i Partisë Demokratike Sali Berisha deri më tani nuk kishte bërë asnjë koment në lidhje me listat e kandidatëve për deputet por në një intervistë të dhënë për TVSH pak përpara nisjes për një vizitë zyrtare në Budapest.
“Kryetari ka të drejtë të ketë listën e tij, por ai e ka deklaruar se këto janë listat e fundit që do të bëhen në mënyrë të tillë”, deklaroi ish-kreu demokrat në intervistë.
Më tej Berisha ka shmangur komentet mbi kërkesën e bërë nga Topalli dhe Imami për largimin e Lulzim Bashës nga kreu i PD-së, duke u përgjigjur shkurt se nuk ka asnjë koment.
Pas publikimit të listave të kandidatëve për deputet nga Partia Demokratike pati një reagim të fortë të disa prej ish-drejtuesve dhe deputetëve aktualë të cilët nuk u përfshinë në lista si: Jozefina Topalli , Arben Imami, Astrit Patozi, Ridvan Bode, Majlinda Bregu dhe Keltis Kruja./ shqipëriaime.al
