[sgmb id=”1″]
Trajneri De Biasi lajmëroi largimin nga posti i tij disa ditë më parë. Sot, në hotel Plaza, Federata Shqiptare e Futbollit kishte përgatitur një aktivitet për largimin e De Biasit, ku ish-trajneri mbajti një fjalim, si zakonisht, emocionues.
Mbi 2300 ditë ai punoi për rritjen e kësaj skuadre, duke i pasur të gjitha në mendje.
“Nëse Shqipëria do arrijë të luajë me entuziazëm, me kapacitetin për t’u përballur me sfida të reja, me objektiva të rinovuara, pa u ndier e vetëkënaqur për fitoret, do ecë përpara”, tha ai duke përmendur shprehjen e heroit tonë kombëtar Skëndërbeu, “Qëndroni të bashkuar dhe askush nuk do ju mposhtë”.
De Biasi falënderoi të gjithë ata që kishin ndarë gëzimin me të dhe momentet e vështira dhe që e kishin mbështetur në këtë përvojë profesionale dhe njerëzore.
Ai shtoi që ishte e mundur që rrugët e tij dhe kësaj toke të mrekullueshme, siç e quajti, të bashkoheshin një ditë.
