[sgmb id=”1″]
Fshatarët e tmerruar kanë jetuar me frikë pasi një dele ka lindur një krijesë të çuditshme, që për të moshuarit është gjysmë-njeri dhe gjysmë-kafshë dhe se ajo sipas tyre është e dërguar nga djalli, raporton dailystar,
Shumë prej 4 mijë banorëve dhe fermerëve të Lady Frere në Provincën Lindore të Afrikës së Jugut, janë të bindur se magjia tek kafsha ka çuar në lindjen e krijesës.
Paniku tek banorët qe aq i madh, saqë Departamenti i Zhvillimit Rural i Kepit Lindor dërgoi ekspertë për të kryer analiza, ndërsa fotografitë u përhapën me shpejtësinë e zjarrit.
Shefi Drejtor i Shërbimeve Veterinare Dr Lubabalo Mrwebi pranoi se në shikim të parë qengji i cili ka lindur i vdekur i ngjante një qenieje njerëzore por nuk kishte pjesët e njeriut.
Mrwebi tha se delja mund të jetë infektuar në fazat e para të shtatzënësisë nga ethet e ”Rift Valley”.
”Nuk është megjithatë njeri por një qengj i deformuar i lindur nga një dele dhe më pas është infektuar në një fazë të hershme të shtatzënisë “, u shpreh ai.
Vlen të përmendet se një dele ka 28 çifte kromozomesh, ndërsa njerëzit kanë 23 çifte të tilla dhe kjo bën që bashkimi i vezëve të deles me spermën e njeriut të mos fekondohen.
“Qengji i deformuar tregon shenja që janë në përputhje me një zhvillim të hershëm të fetusit që shkoi keq si pasojë e një infeksioni viral dhe asgjë më shumë”./gazetametro.net
