[sgmb id=”1″]
Kreu i LIBRA-s Bern Blushi është i bindur se Edi Rama nuk ka për të qenë më kryeministër.
I ftuar në emisionin Opinion, Blushi ka theksuar se ky gjykim i tij nuk vjen si njëri prej kundërshtarëve të Ramës, por si një politikan që në fund të fundit bën llogaritë elektorale. Sipas Blushit, Rama opas 25 qershorit nuk do të jetë më kryeministër.
“Një gjë dihet, që unë natyrisht do jem… që ai nuk do të jetë kryeministër. Një njeri që ka më pak shanc, për të kryesuar qeverinë pas 25 qershorit, është Edi Rama.
Për shkak të llogarisë elektorale. Llogaritë elektorale janë kundër Edi Ramës si kryeministër dhe keni për ta parë që ka për të ndodhur.”-tha Blushi.
Më pas Ben Blushi ka treguar vetëm një mundësi që Edi Rama të bëhet kryeministër dhe sipas ish deputetit socialist, ai është Sali Berisha.
“Vetëm një njëri në Shqipëri ka mundësi për të bërë Edi Ramën kryeministër dhe ky quhet Sali Berisha ”, tha ai.
