[sgmb id=”1″]
Starton në Vlorë kampionati botëror i aeronautikës, ndërsa për 10 ditë me radhë qyteti bregdetar do të jetë epiqendra e fluturimeve të lira nga pjesëmarrës nga vende të ndryshme të botës.
Prej 5-14 maj në Vlorë për herë të parë kampionati botëror i fluturimeve të lira me precizion.
Aeronautika ka zgjedhur Vlorën edhe për vetë natyrën që ofron, ndërsa një kampionat i tillë përmasave vjen për herë të parë në Shqipëri.
Janë pjesmarrës në këtë aktivitet 150 parashutistë nga rreth 28 vende të ndryshme të botës,ndërsa ka ekipe pjesmarrëse që madje për herë të parë janë bërë pjesë e një aktiviteti botëror si Kolumbia apo ndonjë shtet tjetër.
Ceremonia e nisjes e këtij eventi të jashtëzakonshëm është zhvilluar në sheshin e lungomarës, ndërsa të pranishëm janë ministrat Gjiknuri dhe Kumbaro, kryetari i bashkisë Vlorë Dritan Leli, por edhe përfaqësues të federatës ndërkombetare të aeronautikës që kanë vlerësuar Vlorën dhë Shqipërinë për natyrën që ofron në mbarëvajtjen e këtij aktiviteti.
Garimet do të vijojnë për gati 10 ditë, për të ardhur në ditën e fundit, ku do të shpallen edhe fituesit.
Ndërkohë pjesëmarrësit prej disa ditësh kanë nisur provat në Vlorë, ndërsa duke nisur nga datat 5 maj, starton kampionati botëror për të përfunduar në 14 maj, me shpalljen e fituesve.
Kampionati botëror vjen dhe në kuadër të aktiviteteve të organizuar për celjen e sezonit turistik një javë më vonë në Vlorë.
