[sgmb id=”1″]
Një bari shqiptar është ndaluar, gjobitur dhe më pas lëshuar pasi ka tentuar të shesë në internet një arushë në internet.
Sipas zëdhënëses së Ministrisë së Mjedisit, Ana Kekezi, bariu e kishte gjetur arushën të bllokuar në malet e Shën Mërisë, rreth 30 kilometra nga Tirana. Më pas e kishte nxjerrë në shitje në një faqe në internet.
Arusha është dërguar në një park, derisa të lëshohet sërish në natyrë.
Ministria e Mjedisit ka marrë masa të forta për personat që mbajnë arinj në klube, restorante dhe hotele, në kushte të mjerueshme, me qëllim tërheqjen e vizitorëve. Problemi i arinjve shqiptarë në skllavëri u pasqyrua gjerësisht në mediat perëndimore gjatë vitit të kaluar.
