[sgmb id=”1″]
Orjola Pampuri, e cila është e dyta në listën e PD-së, nuk është një emër i panjohur në opinion publik, ndërsa në PD ajo është afruar së fundmi ku dhe ka mbajtur një fjalim gjatë periudhës që e djathta ka qenë në çadër duke protestuar.
Orjola është një psikologe e njohur në Tiranë, pedagoge në Universitetin Europian të Tiranës dhe mjaft aktive në media me intervista e këshilla. Ajo ka përfunduar doktoraturën në departamentin e Shëndetit Publik në Universitetin e Mjekësisë. Kohët e fundit, Pampuri është afruar me Partinë Demokratike, madje ajo është parë të flasë në mikrofon para demokratëve në një nga protestat e kohëve të fundit.
Ndërkohë që në listën me 18 kandidatë për deputet në Qarkun e Tiranës, surprizë ishte edhe emri i vajzës së Azem Hajdarit, njërit prej themeluesve të PD-së apo dhe emri i Grida Dumës, e cila përflitej se do të kandidonte për një mandat në Durrës. Në listën e PD-së është edhe doktor Halim Kosova, i cili në zgjedhjet e 2015-ës la mandatin për të kandiduar për kryetar të bashkisë së Tiranës. I fundit në listë është Besnik Fuçia, ish kryetar i komunës Kashar, ndërsa në listë është edhe kreu i PR-së për Tiranën Belndi Sula.
Por një emër i njohur nga lista e PD-së është edhe ai i ish kreut të komunës Farkë, Fatbardh Plaku, i cili i ka shpëtuar një atentati me antitank para dy vitesh. Plaku ka qenë në hetim edhe për falsifikim dokumentesh. Gjithashtu në listën e PD-së është edhe një prej këshilltarëve të djathtë, Dorjan Teliti.
Ndërsa jashtë listës për deputete mbetën Kastriot Islami, Asllan Dogjani dy deputetë që erdhën nga e majta si dhe Keltis Kruja e Myqerem Tafaj e Jemin Gjana, duke mos përjashtuar edhe emrin e Majlinda Bregut.
Lista e PD per qarkun Tirane
Lulzim Basha
Oriola Pampuri
Rudina Hajdari
Grida Duma
Albana Vokshi
Jorida Tabaku
Sali Berisha
Halim Kosova
Gent Strazimiri
Fatmir Mediu
Dashamir Shehi
Gerti Bogdani
Fuad Haxhiymeri
Blendi Sula
Flamur Hoxha
Fatbardh Plaku
Dorjan Teliti
Besnik Fucia
