[sgmb id=”1″]
Një 32-vjeçar shqiptar, me banim në komunën Romano di Lombardia dhe i njohur më parë nga policia, është arrestuar në flagrancë mbrëmjen e djeshme nga karabinierët e Treviglio-s (Itali).
Ai është vënë në pranga me akuzën e posedimit të lëndëve narkotike me qëllim shitjen.
Gjatë një bastisje në banesën ku jetonte shqiptari, efektivët gjetën 3 kg e gjysmë kokainë, disa gramë heroinë si dhe materiale për paketimin dhe peshimin e drogës.
Agjentët kanë gjetur gjithashtu mbi 1.100 euro, që u sekuestruan pasi dyshohet se janë përfituar nga trafiku i drogës.
Shqiptari është dërguar në burgun e Bergamo-s.
Droga u gjet nga efektivët, e fshehur në një apartament në qendër të Romano di Lombardia, ku jetonte një grua shqiptare, nënë e tre fëmijëve: 8,5 dhe 1 vjeç.
Edhe gruaja është nën hetim në gjendje të lirë për bashkëpunim në posedimin e drogës me qëllim trazimin.
